د يوه ښه پلورونکي د برياليتوب راز

 

ژباړن: انبيا ژمن

د تاريخ په اوږدو کې يو شمېر پلورنکي تل په هڅه کې وو، چې د چل او زور له لارې پېرودونکي د خپلو خدماتو او توليداتو پېرودنې ته اړ کړي. خو نن د پېرودونکو د پوهاوي لوړتيا او مارکيټي سيالۍ د پراختيا له کبله د راکړې ورکړې بڼه اوښتې ده. په پلورنه کې برياليتوب له پېرودونکي سره د ښو او وړ اړيکو ټينګولو له لارې پيل کېږي او اړينه ده چې پلورونکي له خپلو پېرودونکو سره د يوه سلاکار، ښوونکي او آن د يوه ونډه وال په شان چلند وکړي، ځکه چې يو کسبي پلورنکى هغه وخت په خپله دنده کې بريالى کېداى شي، چې د پېرودونکو اړتياوې د خپل کار له لومړيتوبونو څخه وګڼي او که پوهېږي چې پېرودل شوي توکي نشي کولاى د پېرودونکي اړتياوې پوره کړي، بايد هغه توکي پېردونکي ته ونه پلوري.

له نننۍ سيالۍ څخه ډک مارکېټ کمپنۍ او پلورنځي اړ کړي دي، چې د پلورنې موضوع ډېره کوټلې (جدي) ونيسي او د توکو او چوپړونو د څرنګوالي تر څنګ په پلورنه کې نورو فکټورونو ته چې د برياليتوب لامل کېږي هم پاملرنه وکړي ځکه چې د يوه سوداګريز شرکت راتلونکې د مارکېټ موندنې په وړتيا او پلورنه پورې تړلې ده. مسلکي پلورونکي ته په کار ده چې له پېرودونکو سره نږدې او ټينګې اړيکې وساتي او د هغه د سلاکار او لارښود رول ولوبوي، ځکه که پلورونکي له دې نزاکت او ځيرتوب څخه کار واخلي او وکولاى شي په وړ چلند سره پېرودونکي ته ډاډ ورکړي چې پلورل شوي توکي هماغه توکي دي چې دى يې په لټه کې دى، کولاى شي په ښه توګه د توکو د پلورلو ځواک ترلاسه کړي او ځان په يوه غوره موقعيت کې راولي. او د سيالو په وړاندې غوره والى له پېرودونکو سره د راکړې ورکړې ښه زمينه برابروي.

پېرودونکي له هغه پلورونکو څخه چې نشي کولاى له دوى سره د دوى د اړتياوو په برخه كې سمه مرسته وکړي، مخ اړوي او داسې پلورونکو ته مخه کوي چې وکولاى شي د دوى اړتياوې پوره کړي او مرسته ورسره وکړي. د يوه پلورونکي برياليتوب د پېرودونکو په برياليتوب پورې تړلى دى. ننني پېردونکي نور د هغو کړتنو (ډېرې خبرې کوونکو) پلورونکو سره چې يوازې د خپلې بټوې ډکولو په فکر کې دي، مينه نلري. د بېلګې په توګه که يو څوک د لومړي ځل لپاره له تاسو سره مخ کېږي او غواړي له تاسو څخه کوم شى وپېري او تاسو يې نه پېژنئ، هغوى ته وايئ چې د دې توکي بيه يوازې ستا لپاره دومره ده نه د ټولو لپاره، خپله څرګندېږي چې دا يوه درواغ خبره ده او دا ټکى تاسې پېرودونکي ته دروغجن ورپېژني ځکه هغه پوهېږي چې هېڅ داسې اړيکه نشته چې پلورونکى ده ته کمښت ورکړي. نو لازمه ده چې له ستونزو پرته په ساده ډول خبرې وکړي او له غولوونکو او دروغجنو جملو څخه ډډه وکړي، ځکه چې پېرودونکي له پلورونکي څخه د ګډون، زړه ملۍ اومرستې تمه لري ترڅو له هغه سره د ستونزو د اواري او د هغه د اړتياوو د پوره کولو په اړه مرسته وکړي. په دې مانا چې د يوه مسلکي پلورونکي په صفت داسې عمل وکړي چې پېرودونکي په بشپړو مالوماتو او خوښۍ سره توکي له تاسو څخه وپېري. لکه څنګه چې مخکې مو هم يادونه وکړه د يوه مسلکي پلورونکي موخه دا ده، چې له پېرودونکي سره د يوه مؤکل په توګه چلند وکړي چې دا کار له پېرودونکي سره د وړ اړيکو په ټينګولو کې مرسته کوي لکه د يوه ډاکټر اړيکه د هغه له ناروغ سره، که خپل تګلورى مسلکي او وړ نکړي په حقيقت کې مو په خپل زيان عمل کړى. د پلورنې په ټولو برخو کې بريالي پلورونکي هغه کسان دي. چې په ډېر ځير سره کار کوي او ټول جزيات په خپله ګټه کاروي، خپل پېرودونکي پېژني او هغه څه چې ترسره کوي يې په رښتينې توګه يې له حالاتو سره سم ترسره کوي. په رښتينولۍ سره کار کوي ځکه چې پېرودونکي ټګمار او دروغجن پلورونکي شا ته پرېږدي او ترڅو چې ډاډ تر لاسه نکړي چې دا يو رښتينى او مسلکي پلورونکى دى، راکړه ورکړه ورسره نکوي او په پايله کې کېداى شي پلورونکي له ماتې سره مخ کړي. هر کله چې تاسو پلورونکي ياستى بايد پوه شى چې دا ستاسو تګلاره او چلند دى چې په څه ډول د کار له جزياتو سره مخ شى او دا کار په خپل وار سره تاسو ته د پېرودونکي د کتنې په تګلاره او دا چې له تاسو سره معاملې ته مايل دى، اغېزه کوي. مارکېټونه، سيالي او اقتصاد د ژوند د نورو اړخونو په شان تل د بدلون په حال کې دي او له هغه سره موازي پېرودونکي هم بدلون مومي، چې په پايله کې به د دوى غوښتنې ډېرېږي او توپير پيدا کوي. او له سياليزو ربړونو (فشارونو) څخه په ښه توګه ګټه ترلاسه کوي. نو په دې اساس پلورونکي بايد د دې حالت منلو ته چمتو وي او له پېرودونکي سره داسې چلند وکړي چې ګوندې مخکې هم له دې حالت سره آشنا و، او په دې اړه يې چمتووالى درلود.

هغه کسان چې په دې تکيه کوي چې په پلورنه کې برياليتوب له ښه بخت څخه دي، له يو ساده فکر پرته بل څه نه دي او بايد په هغه تکيه ونه شي. بلکې انسانان په خپله کولاى شي د اړتيا وړ اندازې پورې برياليتوب او نېکمرغي د ځان خوا ته کش کړي. په رښتينې توګه که دوى خپله پروسه تل وويني او څېړنه يې وکړي، کولاى شي تېروتنې کمې کړي او کار په ښه توګه ترسره کړي يعنې د پلورنې د زياتوالي لپاره تر ټولو غوره ملاتړ کوونکي تاسو خپله ياستئ، ځکه چې برياليتوب داسې يو څيز نه دى چې له مارکېټ څخه يې وپېرى او يا يې له هوا څخه تر لاسه کړى بلکې دا تاسو خپله ياستى چې کولاى شئ لاس په کار شئ او خپلو کړنو ته پراختيا ورکړئ. په دې اړه دوه څيزونه له تاسو سره مرسته کوي، چې يو يې په نفس باندې ډاډ دى او بل يې په کار کې ټينګښت او مقاومت دى. نو دا دود بايد په ځان کې پيدا کړى چې کله هر کار ترسره کوى دويم ځلي يې کتنه وکړى او هغو کمښتونو ته چې په کار کې مو شتون لري او په څه ډول کولاى شئ حل يې کړئ، ځواب چمتو کړئ. هغه پلورونکي چې ژمن دي د خپل چمتووالي لپاره منظم وخت په پام کې نيسي، يو ښه تصميم يې نيولى. تاسو د خپلې سوداګرۍ حالاتو او فني ټکو ته پاملرنه وکړئ او د هغه په اړه بايد پوه وئ، که داسې نه وي نو خپل مسلکي والى له لاسه ور کوئ. په کار کې مسلکي والى داسې يو انځور دئ چې ډېرى پلورونکي په ډېرې هڅې سره هڅه کوي تر لاسه يې کړي. د ا کار وخت ته اړتيا لري او لازمه ده چې تاسو مسلکي رسنۍ او هر ډول اړوند ګټور مطالب او کتابونه په منظم ډول ولولى. ځکه چې په ډېرو مالوماتو لرلو نه يوازې د پلورنې په برخه کې ګټور دی بلکې دا کار پېرودونکي ته ستاسو پاملرنه ښيي. همدارنګه هغه توکي چې تاسو يې پلورئ بايد ويې پېژنئ او له هغه څخه د استفادې په اړه هم مالومات ولرئ ترڅو وکولاى شئ د پېرودونکي ټولو پوښتنو ته د منلو وړ ځوابونه ولرئ. له دې پرته نه شئ کولاى پېرودل شوي توکي په ښه توګه وپلورئ. که تاسو د پېرېدونکو عوښتنې په سمه توګه پوره کړئ او تل په خپل کاري ځاى کې شتون ولرئ، ښکاره ده چې دوى به ټول خپلوان او ملګري وهڅوي چې له تاسو څخه پېرودنه وکړي او ستاسو پېرودونکي ډېرېږي ځکه که تاسو داسې کار ته چمتو وئ او وخت ورکړئ چې نور يې نه ورکوي، کېداى شي دا کار اغېزمن څرګند شي او تاسو له نورو څخه مخکښ کړي. ځکه چې نن ورځ وخت د ټولنې د زياتو وګړو له ارزښتناکو او لومړيو څيزونو څخه ګڼل کېږي. دا په دې مانا نه ده، چې تاسو بايد د اونۍ په اوږدو کې هره ورځ ۲۴ ګړۍ (ساعتونه) کار وکړئ.

يو بل څيز چې ستاسو بريالتيوب ته اړين دئ هغه ستاسو ظاهري بڼه ده، لازمه ده چې د هر کار لپاره ستاسو بڼه بايد مناسبه وي، په دې مانا چې جامې مو پاکې او سپېڅلې وي، دفتر، د اسنادو بکس او کاري مېز مو پاک او منظم وي چې دا کار ستاسو علاقه او مينه څرګندوي. له خپلو پېرودونکو سره سم چلند کوئ او د توکو په اړه يې پوښتنو ته سم ځوابونه ووايئ او له هغوى سره په کوټلې او جدي توګه چلند مه کوئ.

يو بل له هغو رازونو څخه چې د پلورونکي د برياليتوب لامل کېږي، له پېرودونکي سره د خبرو او اړيکو لاره ده، ځکه له خلکو سره اړيکې يو اسان کار نه دئ. کېداى شي په ډېر لږ ناسم پوهاوي سره پېرودونکي له لاسه ورکړئ. همدارنګه د توکو د ستاينې په وخت کې زياتى مه کوئ ځکه هېڅ شى د توکو د ستاينې له لاپې (مبالغې) څخه زر د پېرودونکي د زړه سوړوالي او نه پاملرنې لامل نه کېږي. يوه اضافي جمله کولاى شي ستاسو اعتبار له لاسه ورکړي. که پېرودونکي له تاسو سره ښې اړيکې ولري او ستاسو له ادارې څخه چې تاسو يې څښتن ياستئ، ښه ذهني انځور ولري، ستاسو د پلورنې کار اسانېږي. ډېرى پلورنځي زياتې پيسې لګوي چې اعتبار تر لاسه کړي. نو په دې اساس تاسو هم هڅه وکړئ چې اعتبار خپل ځان او خپلې ادارې ته تر لاسه کړئ ځکه هغه اداره چې اعتبار ونلري، خلک ورته د شک په سترګه ګوري. پېرودونکي فکر کوي چې دا اداره په ځان ډاډ نه لري نو زه څنګه کولاى شم ډاډ پرې وکړم. نو تاسو ته لازمه ده چې د خپلې ادارې اعتبار پياوړى کړئ حتىٰ که له جدي ستونزو سره هم مخ شئ. اضافي کمښت، د ډاليو ورکول، ځينې اضافي توکي په وړيا توګه ورکول او د اړتيا په وخت کې د يوه توکي بدلول په بل توکي هم کولاى شي ستاسو د توکو د ډېرې پلورنې لامل شي.

تل هغه څه چې وايئ يې عمل پرې وکړئ او په خپل وخت هغه کار ترسره کړئ، د بېلګې په توګه که چا ته ژمنه ورکوئ چې په ۳ بجو دا کار کوئ، خامخا په هماغه وخت کې هغه کار ترسره کړئ. که کومه ستونزه مخې ته شي چې ونه شئ کولاى په ټاکلي وخت هغه کار ترسره کړئ، بايد مخکې له مخکې له هغه کس سره اړيکه ونيسئ او په بښنې غوښتلو سره له هغه سره د بيا کتنې وخت وټاکئ او د وخت ټاکلو په وخت کې پام ونيسئ چې داسې وخت وټاکئ چې بيا بدل نه شي او تاسو وکولاى شئ په وخت هغه ځاى ته حاضر شئ ترڅو خپل اعتماد وساتئ او دا به ستاسو د برياليتوب لامل كېږي.

په خپلو خبرو عمل کول که له پېرودنې څخه مخکې، د پېرودنې په جريان کې او که له پېرودنې څخه وروسته وي، ډېر اهميت لري. د ستونزو پېښېدو د نه رامنځ ته کېدو لپاره هڅه وکړئ چې ټول کارونه په بشپړه او ځير توګه پلان کړئ. له دې سره سره کېداى شي بيا هم ستونزې رامنځ ته شي خو تاسو پلمه او چل مکوئ، هڅه وکړئ په چټکۍ او بښنې سره ستونزه اواره او د هغه له ډېرېدو څخه مخنيوى وکړئ.

د پېرودونکي خبرو ته غوږ ونيسئ او د دې ټکي له لارې چې هو پوهېږم، د پېرودونکي د غوسه كېدو مخه ونيسئ او له هغه سره خواخوږي وښيئ او داسې انګېرنه رامنځ ته کړئ چې ګنې دى په حق دئ او که تاسو د دوى په ځاى واى، همداسې غبرګون به مو له ځانه ځرګنداوه. هغه وپوهوئ چې شخړې ته اړتيا نه شته او ستونزه کېداى شي په ډېره اسانه توګه اواره شي.

وروستۍ ليکني

په ډانګ پیلي سپیني خبرېافغان ولس په ۱۹ پیړۍ ۲۰ پیړۍ او دادی په ۲۱ پیړی کې دنړیوالوسترو ښکیلا کي ځواکونودستراتیژیکي استعماري موخو په خصمانه  لوبو ا و شیطاني چلوټو په جال کې کیوتی او په ټولو پړاوونو کې یې  په خورا  بې رحمی او بې ساري قساوت لکه رودونه ویني بهیدلي اوسنی پړاو یې زړه بوږنوونکی اوټول هیواد کلي اوبانډي دوینو په حمام بدلي شوي دي اودجګړې ښکیلې غاړې پخپله افغانان لکه دسونګ دتوکو په څیر په کې سوځي او زما په اند دا دبشریت  په  تاریخ  کې هغه ستره جګړه ده چې د ځمکې دکرې دلسګونو،لسګونو بیلا بیلو هیوادونود دې وطن د بچیو په ویر اوخونړي ناورین کې په بې رحمۍ برخه ...
زوریدلواو ویرجنو هیواد وا لوته د پام وړڅوټکېدبشریت په تاریخ کې دانسانانو لوی قاتل اووژونکی جنګیزمغول دی چې اصلي نوم یې تموجین دپولاداوکلک په مانا اودواکمنی په مهال جنګیزخان دی چې دشاه جهان اولوی خان په مانادی.دغه خونړي انسان دخپلې واکمنی په ظالمانه پړاو کې دځمکې دکرې ټول ټال ۱۱ یوولس سلنه بشریت له منځه یووړدښځینه اونارینه سرونوڅخه د لوړوکله منارونوپه جوړولوکې یې ساری نه درلود او په دې ډول یې دترهې اوویرې په خپرولوسره دښارونواوبشري مدنیتونوپه چورلټ نړولوکې داسیا،افریقا اواروپا ترلویو وچو پوري وحشیانه یرغلونه تر سره کړهغه دخپلې زوکړې په ټاټوبي په یوه نامالوم مرګ ومړاودهغه دقبر دپاسه په ...
د دووخویندو زړه بوږنوونکي غمیزههو! هغه دوه مبارزې وطنپالې اوزړورې خویندې یادوم چې دخپل دردیدلي،کړیدلي اوجګړه ځپلي ولس دسوکالۍ اوهوسایې په موخه یې خپل پلرني هیواد ته دچوپړملاوې وتړلې دلرغوني اوتاریخي ویاړلي اودپامیردلوړوڅوکوپه څیر دسر هسکي بدخشان د خاش له سمسورې سیمي یې دملي پولیسوپه لیکوکې دندې پیل کړې.څه موده وروسته دمسلکي لوړوزده کړولپاره دترکیې هیواد ته واستول شوې اودشپږمیا شتنۍ مسلکي کورس له اکمال وروسته دتیرې خونړۍ اوویرجنې روژۍ په میا شت کې خپل پلرني ټاټوبي ته راستنې شوې او په دې هیله چې دخپلې خوږې کورنۍ په خوږه غیږه کې به دخپلو وروڼو،خویندو،موراوپلارسره داخترڅوشپې اوورځې په خوښۍ تیرې ...
کب له سره خوسا کیږي دیوه هیواد زعامت اومشرتابه دخپل ولس په برخلیک اود هغود ژوند په نیکمرغۍ اوبد مرغۍ نیغ پر نیغه اغیزه لري که دهیواد دواکمنانوسرونه کدو سرونه نه وي نوباید خپل ځانونه د وړ اوکارنده شخصیتونوپه توګه دتاریخ په پاڼو کې تثبیت اوپه ډاګه کړي ځکه دهغو د هژمونی اوواکمنی مهال تلپاتې نه وي په یو ډول د ډولونودمرګ له حتمي پدیدې سره مخامخ کیږي اود هغوفزیکي موجودیت ته دپای ټکۍ ږدي خودهغومعنوي اړخ مثبت اویا منفي کرکټرمرګ نه لري هغو چې هیواد اوولس ته یې دچوپړ،عدالت اوصداقت تله درنه ده تل درنه اوپه درنښت یادیږي دهغوکارنامې اواندیښني داړوند ولس اوملت لپاره ځلیدونکي مشالونه اوڅراغونه دي اوپر ...
سپیني خبرې او شریرې څیرې کلونه پخوا مې دقومونو اوقبایلودعالي جرګې دمرکزي شورا دمنشي په توګه د ولسي اوجرګه ییزي دندې ویاړ درلود .یوي پراخې ولسي غونډه کې دګډون په موخه دخوست ولایت دصبریو ولسوالۍ اړوند درنه ،مجرب اوپوه سپین ږیري اروښاد متقاعد ډګروال حسین خان صبري ته چې دکابل په کارته نو کې استوګن و،ورغلم. هغه خورا مهربانه،خواخوږی اومهربان شخصیت واو له درنه روغبړوروسته مې په خورا ادب اودرنښت هغه ته دګډون بلنه ورکړه.هغه خدای بښلي ماته تل وراره ویلې او راته کټ،کټ له خندا شین شو. له لږسوچ وروسته یې راته وویل: کومه جرګه ؟ اودڅه لپاره جرګه؟ په ځواب کې مې ورته وویل چې په هیواد کې دسم سمکي ،هراړخیز ...
آلله اکبرـ آلله اکبر دخوارملا آذان واورئای دمظلوم اوکړیدلي هیواد خونړي افغانستان درنو،درنوعالمانو،پوهانو،شمله ورومشرانواوباتوروکشرانو،خویندواووروڼواســـــلام علیکم ورحمته الله وبرکاته اما بعد!په کلو اوبانډوکې داخبره عامه اودژبوپه سرده چې دخوار ملا آذان څوک نه اوري.خودغټوږیرواوډبلو پګړیوسمیع الحق ناحق اوفضل الرحمان نارحمان اودهغو په څیردانسانیت اواسلامیت ضد غټ خیټوملایانودمسلمان اوافغان وژنې کفري فتواوې دتورپنجاب له منبرونوصادرې اودادی زموږ دجنتي وطن څخه یې توردوزخ جوړکړی دی ښکلی کابل په وینورنګ اودهیواد په ګوټ،ګوټ کې دوینوویالې بهیږي .په عامواوخاصو ...
وسله وال پوځ اوپه مورچلوکې ډزېدافغانستان وسله وال پوځ ملي اردو،ملي پولیس اوامنیتي ځواکونواولښکرو شمیرټول ټال درې لکه دوه پنځوس زرو۳۵۲۰۰۰تنوته رسیږي اووسله وال پوځ په اوو۷ قول اردوګانوکې تنظیم اوجوړشوی دی .نـنګرهار۲۰۱ لمبرسیلاب قول اردو پکتیا ۲۰۳ تندر قول اردوهرات ۲۰۷ ظفر قول اردوکندهار۲۰۵ اتل قول اردوبلخ ۲۰۹ شاهین قول اردوهلمند۲۱۵ میوند قول اردواودهوایي ځواکونو قول اردواوداوسله وال ځواکونه په زرګونو،زرګونوبلوکونو،ټولیو،کنډکونو،لواګانواوفرقوکې ځای پرځای شوي دي اوداهغه اردوده چې دافغانستان دحرب په تاریخ کې په درجنو،درجنوجنرالان چې زیاتره یې مسلکي نظامي زده کړي نه لري اوپه تنظیمي زور اوسوټي ...
په وینولړلۍ اسلام داسلام آباد دخنجرپه څوکهشیطان آباد اسلام اباد دلوی شیطان په کرغیړنولاسونوداسلام دبدنامی اودمسلمانانودکړولو،وژلواوسپکولوپه موخه رامنځته شوی اودا لامل دی چې لاتراوسه داسلامي قانون اوشریعت پرځای انګلیسي مدني قانون واکمن دی اودتش په نوم داسلام په نامه ډول،ډول ترهګرې،تروریستي ځناورې او وحشي ډلې،ټپلي اوځان مرګي لیوني سپي روزي اودبې وجدانه اوبې ایمانه پاکستاني مفتیانوپه فتوا یې دافغان مسلمان ولس دوژنې اوتباهۍ لپاره ګوماري چې دادی نـن ورځ دروژې دمطهرې اوعبادتي میاشتې په لومړۍ ورځ یې دسپیڅلوخوستیوروژتیانوویني په خورا سترقساوت اوبربریت وبهولې په خدای،رسول اواسلام مین غیرتي خوستیان یې ...
  دلرو اوبرو پښتنودغیرت اونـنګ شیبې رښتیا یې ویلي چې اوبه په ډانګ نه بیلیږي اوګډ پښتون په ډیورنډ نه بیلیږي.هغه تش په نوم مکار اوتصنعي ډیورند چې دادی دګردې اروپا د۵۱۰ میلیوني وګړودمتحد اویوموټي باوري اوځواکمن سازمان یا په بله ژبه داروپا داتحادیې پارلمان مرستیال مشروتلي اوپیاوړي دپلومات ښاغلي رشارډ چارنیکي داکرښه مصنوعي اوغیرطبیعي کرښه بللي اوداروپا یي ټولنې په میاشتنۍ کې یې په زغرده اوډاګه دهغه ابطا ل اعلان کړاوپه څرګندومستدلواو منطقي ټکو کې یې دهغه جدي ارزونه غوښتي او ویلي یې دي چې د دې کرښې اوسیمي څخه دنړیوالې ترهګری او تروریزم مرکزجوړشوی او د دې وخت رارسیدلی چې د ډیورند کرښې ته بیا ...
افغانستان به څنګه جوړشي؟ دتاریخ داوږده بهیراودپیړیو،پیړیوپه بیلا،بیلوپیړیوکې زموږګران اولرغونۍ هیواد اریانا،خراسان اومعاصر افغانستان دخونړیوبلوسو،وحشیانه یرغلونواوتاړاکونوسره مخامخ شوی اود دي خاورې تاریخ اوجغرافیه په سرو وینوخړوب شوي ده.دعروس البلاد،ام البلاد،اشرف البلاد اوفرهنګ البلاد ښارونه دبرمیال لرغوني مدنیت اثاراوبې سارې فرهنګي پنځونې دچپاولګرواویرغلګروپه تورولښکرو وران ویجاړشوي اولوټ شوي دي اودخپل شتون په اوږده واټن اوتاریخي پړاوونو کې یې بشپړامن اوسوکالي نه ده په برخه شوي ان چې زبون اونامرده بشریت ضد دوښمن پخپله استعماري خونړۍ توره دافغان بدن دوه ټوټې ...