د افغان ننک ويب پاڼې د شعرونو برخې ته ښه راغلاست!

نن می دزړه په هغه دنګ منار کی

یو څو درزونه ولید

لکه چه بیادی پری ډیر ظلم کړی

هریو آرمان او هر امید دی زما

لکه چنګیز غوندی په توره والی (وهلی )

خیر زه خبر نه ومه

چه می دژوند هره لحظه

داسی ټکری لری

بیا به په خپله مینه ویاړ ونه کړم

نور به په خپل ژوند افتخار ونه کړم

دا به هم هیر کړمه چی

ماهم یو وخت چاسره مینه کړی

دیوچا  زه جانان وم

پر یو چا زه ډیرګران وم 

خو

اوس

هغه وختونه لاړل

بس اوس یواځی یمه

ګرانی اوس هره لمحه

دخپل زړګی درزا می

په خپل غوږونو اورم

چی تل فریاد کوی

په دی خبره باندی

له خپل زړګی سره په جنګ شمه

ما به وی صبر وکړه

چپ شه یاره

یوه لار شته دی کنه

هغه وی کومه لاره

ورته می وویل چی

د زندګی د پریښودلو لاره !

جلال اباد ښار