|
داود لټون
|
مینه مې په سترګو او په زړه کړله
ځوانی مي راته بنده خپله خوله کړله
کله به چې یار راته کاته کول
زړه به مي دماغ باندې حمله کړله
یو ښکلي شان نظر د خپل جانان به
د زړه کور کې راته جوړه زلزله کړله
تل به مي حیا په محبت کې کړه
یار به رانیږدې شو ترینه مابه فاصله کړله
تصمیم به مي نیولو چې د میني ورته ووایم
په میدان د دید نو به مي بدله فیصله کړله
زړه خو مي په مینه ټول ورکړی و
نورد طاقت نه وم چې په سربه مي شمله کړله
نه وم داسې څوګ چې بدل شوي وا ی
ما چي څه زده کړې په هغه مي عقیده کړله
یار رباندي ګران د زړه له تله و
ځکه مي غوښتنه د مشرانو په ورتله کړله
دا چي زه بد قسمت خوارو غریب ومه
لاړله لیلا یي په لوټمار باندي واده کړله
مینه خرڅوي چې په پیسو باندې
داسې واکدارانو رانه ورکه فرزانه کړله
تورې تیارې راغلې په لټون باندې
قسمت راځني بله ډیوه مړه کړله
داود لټون
|
افغاني شعرونه 
