د افغان ننک ويب پاڼې د شعرونو برخې ته ښه راغلاست!

کاروان لوټېږي ځکه سر نشته

وطن مې وران شو چې رهبر نشته

د ويښ بابا ټبر ويده پراته دي

د ملالۍ غږ لر او بر نشته

دا د کفترو د طوطيانو باغ کې

مردارخور ګرځي سپين وزر نشته

لوړو ژورږ کې به باز ګرځېده

نن هغو تړو کې شاهپر نشته

په ښکلي کور کلي  بانډه کې زما

د مشرغږ نشته حذر نشته

د مشورو او د جرګو وطن کې

د دود دستور هغه افسر نشته

دا د شاهين په کور کې څوک ګډ شوي

چې بچي ژاړي د کور ور نشته

دا د ميرويس او احمد شاه وطن کې

د خوشال توره لکه لمر نشته

سارا وطن خو لوټمارانو لوټ کړ

ځکه چې ستا کلي کې سر نشته

۶ـ ۹ـ۲۰۰۰

ناروې