د افغان ننک ويب پاڼې د شعرونو برخې ته ښه راغلاست!

دا عجيبه ننداره ده     

نوم ېې مينه افسانه ده

هر تېرشوی ورته ياد دی 

لکه سيند څپه څپه ده

لا په يو مخه روان دی          

پکې ګرځه فلسفه ده

سرګردان به پکې ګرځې      

لږ خندا پکې پلمه ده

په ژړا نه پوره کېږي         

     خو سوزونو کې نغمه ده

جوړوؤنکي سوزوؤنکي      

هم په دا هم په دغه ده

د خندا ژړا يو سٌر دی      

هم ېې وسوزي ايره ده

کله ېې مست اولاپروا کړي 

  کله ېې ړوند کړي پروانه ده

 څه عجيبه زمانه ده

تل تقدير باندې الزام کړي  

د سارا دغه بانه ده

29/12/1995